Þriðjudaginn 20. október var haldinn Landsfundur NEED verkefnisins þar sem þátttakendur í verkefninu hittust og fóru yfir stöðu mála.

Vegna þess hve víðfermt verkefnið er hér á landi voru fundargestir staðsettir á þremur ólíkum stöðum á landinu eða í Svartárkoti, Egilsstöðum og Höfn Hornafirði. Með aðstoð tækninnar gekk fundurinn þó eins og í sögu og var einkar gagnlegur.

Miðvikudaginn 14. okt. brugðu 36 nemendur og þrír kennarar frá FAS sér af bæ. Ferðinni var heitið á Skeiðarársand og í Skaftafell. Tilgangur ferðarinnar var að virða fyrir sér landmótun jökla og hefja rannsóknir á gróðurframvindu á Skeiðarársandi. Þeir sem eiga leið um sandinn hafa eflaust tekið eftir því að gróður hefur aukist verulega á undanförunum árum og þá sérstaklega birki.

Undanfarna mánuði hafa möguleikar á uppbyggingu fuglaskoðunar í tengslum við ferðaþjónustu á Íslandi hlotið aukna athygli. Á Íslandi finnast fjölmargir staðir sem þekktir eru fyrir óvenju auðugt eða á annan hátt áhugavert fuglalíf en þó er fuglaferðaþjónusta sem slík fremur lítt þróuð hér á landi. Tækifæri Suð-Austurlands eru mikil á þessu sviði, fuglalíf á svæðinu er áhugavert og náttúrufegurð skapar sérstakt umhverfi til fuglaskoðunar.