Málþingið Óður til hreindýrsins á Vetrarhátíð í Ríki Vatnajökuls, verður haldið miðvikudaginn 31.mars (daginn fyrir Skírdag). Málþingið fer fram í Nýheimum á Höfn í Hornafirði. Markmiðið er að fræðast almennt um hreindýrin og greina þau tækifæri sem felast í þessari auðlind sem hreindýrin eru. Leitast verður við að málþingið verði þverfaglegt og varpi ljósi á flesta þá þætti sem tengjast hreindýrum, eins og ferðaþjónustu, handverk, mat úr héraði, skotveiði og veiðilendur.

Um miðjan mars mánuð 2010 var sett upp útiljósmyndasýning við Hoffell í Nesjum, Hornafirði. Mun sýningin standa í mánuð og sýna myndir hennar breytingar á jöklinum milli ára og árstíða og tengjast þannig loftlagsbreytingum í heiminum í dag.
Sýningin er sett upp í tengslum við Vetrarhátíð í Ríki Vatnajökuls og er unnin af ljósmyndaranum Þorvarði Árnasyni.

Í október á síðasta ári birtist hér frétt um vef um jarðfræði í vatnajökulsþjóðgarði. Þar mátti einnig finna tengla inn á Google Earth. Þessi vefur hefur nú verið lagður niður og færður tímabundið á vefsvæðið www.need.is/iceland

Unnið er að nýrri og notendavænni uppsetningu á þessum vef og verður hún vonandi tilbúin á næstu mánuðum.

Áhugaverða grein eftir þá Tómas Jóhannesson og Halldór Björnsson á veðurstofu Íslands þar sem þeir fjalla um nokkrar staðreyndir um Loftslag og Loftlagsbreytingar má finna á eftirfarandi vefslóð http://www.vedur.is/vedur/frodleikur/greinar/nr/1805