Samstarfsaðilar NEED-verkefnisins á Íslandi eru Fræðasetur Háskóla Íslands á Hornafirði sem sér um verkefnastjórn, Framhaldsskóli A-Skaftafellssýslu, Kirkjubæjarstofa, Þekkingarnet Austurlands og Þekkingarsetur Þingeyinga.
Verkefnið er styrkt af Norðurslóðaáætlun Evrópusambandsins (NPP) og mun standa yfir í þrjú ár, eða frá byrjun árs 2008 til loka 2010. Starfssvæði verkefnisins á Íslandi er Vatnajökulsþjóðgarður og byggðarlög í nágrenni hans, Fljótsdalshérað, Skaftárhreppur, Sveitarfélagið Hornafjörður og Norðurþing.
